Sempre tiven admiración por este "animalejo". De neno na carballeira de Caldas foi cando o descubrín. Me pai contoume dunha ocasión que unha vacaloura apresara un dedo a meu avo, e que para desfacerse del, tivo que apoialo nunha pedra e machacalo con outra para liberarse. A foto de abaixo é dunha vacaloura macho que despois de moitos anos vin na zoa de Pedra do Pan, onde vivo actualmente. Por suposto que despois da foto e de mostrarllo a meus fillos (algúns rapaces seguro que non chegarán a velo) liberei ao "bicho". Algunhas características deste animal son:
- Nome científico: Lucanus cervus- Nomes vulgares: Cervo voante, escornaboi, alicornio
- Dimensións: ata 8 cms. nalgúns casos
- Identificación: machos con cornos e femias mais pequenas e sen cornos.
- Alimentación: Normalmente xugos vexetais, savia, néctar, etc.
- Hábitat: A vacaloura era bastante común en Galicia. Hoxe xa se fala dela como un insecto en perigro de instinción ou especie ameazada.
- Reprodución: Unha vez que se consigue vencer o oponente, o macho consigue a femia. O que fai é subir por riba da femia é permañece así varios días.
Os ovos nacen nos carballos vellos e cañotas. O verme, que pode medir ata 10 cms, os cinco anos, xanta madeira podre. De tódolos xeitos non son dañínos para os arbres.
- Está considerado o maior escaravello de Europa.
